القاهرة عاصمة "أم الدنيا" ومن أكثر الوجهات اللي يحبوها العراقيين. مدينة ما تنام، وتجمع بين سحر التاريخ الفرعوني والإسلامي، وبين الكعدات الحلوة على النيل والمقاهي الشعبية. الأكل المصري قريب كلش لذوقنا، والأسعار مناسبة جداً وتعتبر اقتصادية للعراقيين، والناس هناك ترحب بيك بكل مكان. إذا جاي تخطط لسفرتك الجاية لمصر، منصة "رحّال" جهزتلك هذا الدليل حتى تندل أحسن الأماكن السياحية، وتستغل وقتك صح بدون أي دوخة.
أفضل الأماكن السياحية في القاهرة
أهرامات الجيزة وأبو الهول
ما تكمل روحتك لمصر إذا ما تزور الأهرامات. المكان بي سحر غريب، وتكدر تركب خيل أو جمل وتاخذ صور تذكارية خيالية.
- أوقات العمل: يومياً من 8:00 صباحاً لحد 4:00 عصراً (وممكن يمتد للساعة 5:00 عصراً بالصيف).
- نصيحة رحّال: دائماً أخذ جوازك العراقي وياك، لأن السائح العربي إله أسعار تذاكر مخفضة تختلف عن الأجنبي. وتجنب تروح بوقت الظهر بعز الصيف.
خان الخليلي وشارع المعز
إذا تدور على الأجواء المصرية الأصيلة، خان الخليلي وشارع المعز لدين الله الفاطمي هي الوجهة الأولى. المنطقة مليانة فوانيس، تحف، ومقاهي تاريخية مثل مقهى الفيشاوي.
- شنو تسوي هناك: جرب تشرب شاي بالنعناع، وتتمشى بالليل بشارع المعز اللي يعتبر أكبر متحف مفتوح للآثار الإسلامية بالعالم. المكان أمان وحيوي لحد الفجر.
برج القاهرة
موجود بجزيرة الزمالك، ومن تصعد فوك راح تشوف القاهرة كلها والنيل بمنظر بانورامي يجنن.
- أوقات العمل: يفتح يومياً من 9:00 صباحاً لحد 1:00 بالليل.
- نصيحة: أحسن وقت للزيارة هو وقت الغروب، المنظر من فوك خيالي، وأكو مطعم دوار فوك تكدر تتعشى بي.
المتحف القومي للحضارة المصرية
هذا المتحف الجديد بالفسطاط صار ترند بعد ما نقلوا إله المومياوات الملكية بموكب مهيب. المكان مرتب ومكيف ويعرض تاريخ مصر من العصور القديمة لحد اليوم.
- أوقات العمل: يومياً من 9:00 صباحاً إلى 5:00 مساءً، وأكو فترة مسائية يوم الجمعة.
ممشي أهل مصر
للي يحبون التمشية العصرية على النيل، هذا الممشى الجديد يمتد على ضفاف النيل وبي مطاعم وكافيهات راقية ومرتبة.
- الأجواء: ممتازة بالليل، كعدات حلوة وهادية بعيد عن زحمة الشوارع.
شلون تخطط سفرتك للقاهرة؟
السفر يحتاج ترتيب، ومنصة وتطبيق "رحّال" سهلت عليك كل شي. ويا تطبيق رحّال، نكدر نساعدك تحجز تذاكر سفر (طيران) وفنادق تناسب ميزانيتك بكل سهولة، سواء ردت تسكن بفندق مطل على النيل، أو بمناطق حيوية مثل المهندسين والدقي..
الأسئلة الشائعة
شنو أحسن وقت لزيارة القاهرة؟
من شهر 10 (أكتوبر) لحد شهر 4 (أبريل) هي أفضل أوقات، لأن الجو يكون معتدل وممتاز للتمشية وزيارة الآثار. الصيف يكون حار جداً.
هل القاهرة غالية على العراقيين؟
لا، مصر حالياً تعتبر من الوجهات الاقتصادية جداً للسائح العراقي بسبب فرق العملة. تكدر تاكل وتتونس وتتسوق بميزانية كلش معقولة.





